Ажилтан бол МСД компанийн үнэт баялаг
МСД компани нь “Ажилтан бол компанийн үнэт баялаг” гэх зарчмыг эрхэмлэн, үйл ажиллагаагаа чиглүүлэн ажилладаг бөгөөд бид өсөх сэтгэлгээтэй, манлайллын ур чадвартай ажилтнуудыг багтаа нэгтгэж, тэднийг хөгжүүлэн дэмжих замаар найрсаг хамт олон, байгууллагын соёлыг бүрдүүлэн ажилладаг. Хөдөлмөрийн зах зээлийн хурдтай өөрчлөлтөд уялдуулан, ажилтнуудын сэтгэл ханамж, тогтвортой байдал, хөгжлийн боломжийг хангах олон талт хүний нөөцийн цогц бодлогыг тууштай хэрэгжүүлж байна. Бид ажилтнаа сурч хөгжих, карьер хөгжлийг дэмжих, манлайлах, үнэ цэн бүтээх орчныг бий болгож, хамтдаа өсөж хөгжихийг зорьдог.
 |
 |
Сургалт хөгжил, карьер төлөвлөлтийн бодлого
Бид ажилтнуудын мэдлэг, ур чадварыг тасралтгүй хөгжүүлэхэд анхаарч, албан тушаалын онцлогт нийцсэн мэргэжлийн болон хувь хүний хөгжлийн сургалтуудыг төлөвлөн тогтмол зохион байгуулдаг.
Ажилтнууд ажлын байран дээрээ тасралтгүй суралцаж, бүтээмжээ нэмэгдүүлэх замаар карьерын дараагийн түвшинд дэвших боломжтой системийг компанийн бүх шатанд хэрэгжүүлэн ажилладаг бөгөөд энэхүү карьер хөгжлийн бодлого нь цалин урамшуулал, ур чадварын түвшинтэй уялдсан, ил тод, ойлгомжтой бодлогоор хэрэгждэг. Байгууллагын соёлыг төлөвшүүлэх хүрээнд бид “Өсөх сэтгэлгээний манлайллын хөтөлбөр”-ийг хэрэгжүүлж, ажилтны өөрийгөө хөгжүүлэх хандлага, бусдыг манлайлах ур чадвар шийдвэр гаргах чадварыг төлөвшүүлэхэд онцгой анхааран ажиллаж байна.
 |
 |
Компанийн соёл, манлайллыг дэмжих бодлого
Компанийн соёлоо бэхжүүлэхийн тулд бид ажилтнуудаа сонсож, жил бүр байгууллагын соёл болон манлайллын түвшинг хөндлөнгийн судалгааны байгууллагаар үнэлүүлэн үнэлгээг үндэслэн байгууллагын соёлыг тасралтгүй хөгжүүлж, бодит өөрчлөлтүүдийг хэрэгжүүлдэг. Бид “өсөх сэтгэлгээ” буюу хүн бүр хөгжиж, дэвших боломжтой гэсэн эерэг хандлагыг байгууллагын соёлын үндэс болгож, итгэлтэй, бүтээлч, манлайлагч хамт олныг төлөвшүүлэхийг зорилгоо болгон ажилладаг.
 |
 |
Эрүүл амьдралын хэмнэл, амьдралын тэнцвэртэй байдлыг дэмжих бодлого
Манай компани нь ажилтнуудынхаа эрүүл мэнд, сэтгэл зүй, ажил амьдралын тэнцвэрт байдлыг дэмжих үүднээс сэтгэл зүйн сургалт, урьдчилан сэргийлэх үзлэг, эрүүл мэндийн бүрэн даатгал, спортоор хичээллэх боломж, эрүүл хооллолт, уян хатан ажлын цаг зэрэг олон талт дэмжлэгийг үзүүлдэг.
